مطربة مصرية مشهورة تعلن اعتزال الغناء

أعلنت المطربة المصرية المشهورة، زيزي عادل، اعتزالها مجال الغناء نهائيا، مشيرة إلى أنها قررت "الابتعاد عن الشهرة، التي هي من أكثر مغريات الدنيا".

وخرجت زيزي عادل لجمهورها في فيديو نشرته عبر حسابها الشخصي على موقع تبادل الصور والفيديوهات القصيرة "انستغرام"، قائلةً: "طالعة أقول خبر مهم في حياتي، وأهم وأحلى خبر في حياتي، وهو اعتزالي الغناء، والقرار مخدتوش من امبارح، ووخداه من فترة كبيرة جدًا، ومطلعتش أقوله لأني كنت حابه أتكلم مع نفسي والقريبين مني في الموضوع ده وبيشجعوني جدًا أعمل ده، وببعد عن أكتر حاجة مغرية في الدنيا، وهي الشهرة". 

واصلت زيزي عادل: «عايز أقولكم كمان إني بالنسبة للفن هو مصدر دخلي، أنا سبت حاجة بعيش منها، ولكن أنا سبت ده وعارفة إن ربنا هيرزقني، ربنا مبينساش حد، فسايبه ده على ربنا، ومعنديش مشكلة، بالعكس راضية جدا على القرار اللي أنا أخدته ومبسوطة بيه جدا، وحابه اللي جاي من حياتي، ويمكن بعد ما أخدت القرار ده، تعرضت لمواقف اختبار من ربنا، ولما سألت أهل العلم أفتوني بكده، وكنت محطوطة تحت ضغط أوافق أو ما أوافقش، والاختبار كان بالنسبة لي صعب شوية، خصوصا إن البني آدم ضعيف، ويمكن العرض اللي جالي مجاليش وأنا بمارس المهنة، والحمد لله قدرت أقف بدعم من الناس اللي حواليا».

وقالت زيزي عادل: «مش عايزة أخش في حتة الفن حلال والفن حرام، عشان مبقاش طالعة بتكلم كإني داعية، أنا طالعة أتكلم كزيزي، وطالعة أقول إني بطلت أغني، لإني مش صح، وديني بيقول كده، وأنا حابة إني أموت وربنا راضي عني، وكلنا نمتنى حاجة زي دي، وعايزة أموت اكون مستعدة لمقابلة ربنا، وأكون راضية عن نفسي وعن حياتي وعن شخصي وعن أفعالي، والحمد لله التزمت، وقربت من ربنا طبعا بطريقة كويسة، وربنا يكرم والتزم أكتر وأكتر، وعايزاكم تدعولي ربنا يثبتني»

ومع بداية شهر أبريل، طرحت زيزي العديد من الصور عبر حسابها على انستغرام، مرتديةً الحجاب، ولكنها لم تزعم ارتدائها الحجاب، إذ إنها ظهرت في فيديو اعتزالها دون الحجاب.

زيزي عادل مواليد عام 1987، تخرجت في معهد الموسيقى العربية، وبدأت مسيرتها الفنية مع برنامج المسابقات «ستار أكاديمي»، وانضمت إلى شركة روتانا وأصدرت أول ألبوماتها بعنوان «واحدة طيبة».