أنا بهواك
2022.02.20
محمد قرفول- فينكس:
فتّحو زرار الورد
عا حفة الشباك
واليوم ودّعت البرد
صار الدفا ملقاك
يا ورد شو بحلم بعد
زهّر حنينك ع.الوعد
وصرنا أنا ويّاك
من عمر ناطر موسمك
امسح الدمعة وأرسمك
يدوب الحكي عا مبسمك
وضل اترجاك
وتغص يا نبع العطر
تكتب سطر، تمحي سطر
ع.دفاتر ال.بهواك
ولملم أنا طْراف الحكي
قطّف حروف ملبّكي
لا شفاف مني تشتكي
ولا يسألو شو باك
لا تخاف م.يشوفك حدا
وزّع ربيعك عالمدى
ما فيه صوت بلا صدى
ولا في عطر لولاك
يا ورد ما أحلاك..!