(القاضي الكبير أديب علاّم بيهدي السبعلي قلمو لمن عرف إنو ضاع قلم السبعلي!)

"حلوه هالهديّه لشاعر من أديب

هديّة قلم، ألطف هديّه بتنحسب،

عند أصحاب العواطف والأدب..

أرفع من الإلماس أغلى من الدهب..

بهديّتك بخلق دني كلاّ جمال

وبغمر عروس الشعر بالسحر الحلال..

المحبره ما شافتو عنها غريب

حبِتّو حبّ الحبيبه للحبيب

والمكتبه فتحت إلو صدرا الرحيب!

من فحمة الليل انقطف لونو الحلو

مزنّر بنجمه نورها بيضحك إلو

جذّاب خطّو لا عريض ولا رفيع

قاسي وناعم متل نسمات الربيع

ان عنّد، حرام تقول عنّو مش مطيع!

بيكون حنّ لإيد كان يعزّها

قاضي بوجه المستبّد يهزّها..."

....

أسعد السبعلي "نقلة كنار"..