حبة عيوني
2026.09.10
محمد قرفول
عم تسألي
كيف الشعر عم اكتبو
ومن وين عم جيب الحكي
ياحبة عيوني
نهدات روحي
حروف عم يترتبو
للحب أيقونة
وآهات جوا الجرح
مسكونة
وبتسألي
هالقلب مين ال عذبو
مين ال ضناه ودوبو
غيرك يا مجنونة
ما بتذكري؟!
بآخر ربيع بهالدني
لما سنيني غرّبو
شو شتت عيوني!
ما بتذكري
النظرات صارو يهربو
وصارو علينا يعتبو
ويلملمو مونة
وبجنون شعرك يلعبو
مطرح م شنقوني
لا تسألي
انتي السبب
ليش العجب
رح خبرك:
كل ال الك عم ينكتب
لمعة من جنوني
يا حبة عيوني..!