يا عيب الشوم
2026.06.24
غير موجهة و غير مقصودة.. كل الود
محمد قرفول
تلات مرات في (شاعر) دعاني
ع منبر شعر تا يسمع غناني
بلطف وذوق هالدعوة قبلتا
وظني كلمتو هيي الضمانة
قوافي البكر بفكاري عجنتا
ومنها زهّر بيادر معاني
على القدموس دعوة وكنت زرتا
ومحبتها بقلبي وبكياني
وعلى ارواد درب الشوق سرتا
رجعت ندمت وسحبتا بثواني
يا عيب الشوم هالعملة ال عملتا
ضعف اخلاق من حاسد وجاني
متلك ناس بالخبرة خبرتا
كيف بيقلبو القمحة زوانة
غلطت ال كلمتو من الارض شلتا
وعندو الطبع غلاب واناني
بيعرف قيمتي بالشعر صنتا
ما في متلي ولا مخلوق تاني
عينو ضيقة وخبا عورتا
ما فيه يشوف شاعر اولاني
طَلعتو عالمنابر متل قلتا
شعرو مكسّر واعوج وحاني
بيعرف كم من الجولات جلتا
بقيت الاول وحافظ مكاني
باحساسي انا روحي طبعتا
وصار الورد يشرب من حناني
المعاني الرايقة عجنتا وجبلتا
وصرت كعبة شعر طافو بقبلتا
وْ مَ في كعبة سوايي عا زماني..!