ع بحر الحب عم أنظم قصيدي

فكري فيض وبحوري جديدي

لحن فتان الهامي يناجي

ويزرع روح بِ قلب القصيدة/ي

لا بحر الكامل بيرضي مزاجي

ولا بحر الوافر مْوَفّر رصيدي

بحري مواج عطر وعا بلاجي

بحر الرمل ساخن من نهيدي

وطويل وما تطاول عا سياجي

خصور الزنبق بترقص ع ايدي

واذا المتْقارب يقارب بْراجي

الفحمة بصقلا ماسة فريدة/ي

انبلاج الضو من بعض انبلاجي

انا بالشعر افكاري سديدة/ي

لا بحر المنسرح فيه ابتهاجي

ع خد الورد شي يسرح نشيدي

ولا بمجزوء بيخف انزعاجي

الخفيف بيتقل بنهدة شريدة/ي

على زنود الصبية نحتت عاجي

وعلى شفافا سكبت خمري النبيدي

بحور الورد طافت عا دراجي

بسيط ورجز شو استحلو غناجي

ما بدي ضل عد بحور حاجي

خيالي حد بقوافي زهيدة/ي