عرزال
2026.05.02
أسعد السبعلي
(عرزالي عتبان عليّي.. الله كريم بترجع الإيام، وبرجع بسحّر الجرّه تحت فيّاتو...)
ما رحت من بالي، يا هالعرزال..
جدايل بنات زغار، فيّاتك
أحلام ومواعيد، نسماتك
وقلبك الأخضر للهوى، موّال!
بعدك بتوعى، عا دقات القصب
نغمات.. بتخلّي الحجر يحكي
عالرقص، عالترويد، عا كفافي القصب
عالكاس، عالحلوين، عالدبكي..
يطلّ الصباح.. وألف شهقة عطر
من قلبك لصوب السما مفتوح..
والشمس فوق جوانحك هالخضر
ما عاد إلها قلب عنها تروح..
قولك بعد منعود نسهر فيك
وبتضحك الإيام شي مرّه؟
ويرجع الكَيف يزهّر لياليك
وتحت النجوم نسحّر الجرّا؟
....
أسعد السبعلي، ديوان "منجيرة الراعي"..