مهما يا امي العمر كبرنا
2026.03.22
محمد قرفول
مهما يا امي
العمر كبّرنا
بيبقى الشوق
غلال بيدرنا
امي ي كل مواسم
الحلوين
تشرين طل
وسرق موسمنا
كانت معك
كل المواسم
فل
قلبك اﻻبيض
والطهر عالحل
وفينا يا امي
ريحتك بتضل
تدق ع بواب القهر
فينا
لو ترجعي
ولو ترجع اللمة
ومن كل وردة زر
أقطفلك
وارجع بحضنك طفل
يا امي
وصدر الحنون يهز
لطفلك
انتي الفرح والحب
انتي النبض والقلب
روحك،
يا روح الرب
بتبقى تظللنا
مهما يا امي
العمر كبّرنا....