أمي
2026.03.15
أسعد السبعلي
أمي.. على صدرؤ الهموم جبال
وغيمه عا درب العين ما بتنشال..
هاجم على بابي الخطر
تعبان من غدر البشر،
بعود المحبه انشلّت نغام الوتر
والعاطفه صارت حجر..
بعتمة الدنيا انطفى المشعال
والمحبه فقدت الرسمال..
إمي على صدري الهموم جبال
وغيمه عا درب العين ما بتنشال!
مين رباني وهزلّي السرير؟
مين التركني رفرف جناحي وطير..
معلّمي بعدا على سرير الخشب
كمشات ايديكي..
يا ما سهرتي الليل وحملتي التعب
ومشتهيي النوم عينيكي..
نجمه عليكي تطلّ نجمه تغيب
وانتي تقضّي الليل سهراني
وتمّك. تا اغفى يرتل غناني... (...)
....
أسعد السبعلي، من قصيدة له غير منشورة