هَو هنّي
2026.03.07
أسعد السبعلي
رح تبعدو عنّي..
وع دروبكن كل ما لمحت خيال
بقول هَو هنّي..
عا دروبكن تذكار يحملني
ويردني تذكار..
والورد حد الدار يسألني
وينن صحاب الدار؟
عطشان قلبي، والندي منهُن
ان كنت سامع شي خبر عنهُن
حكيلي وطمّني...
يا ورد نفحات الحبايب فيك
الراحو ونسيوني..
وكرمالهن كل يوم رح اسقيك
من وردة عيوني..
لعند الحبايب روح، يا مرسال
وجبلي خبر منهن، يهدّي البال
وحلوينتك منّي!"
من ديوان "طل الصباح"