الأديب السوري مفيد أحمد يحصد المركز الأول في جائزة «وولت ويتمان» الدولية بقصة تجسد جراح الإنسان بعد الحرب
2026.06.18
2026.02.26
إياد قحوش
تعزية للصديق المهندس غياث حنا خيرة شباب وادينا المقدس بفقدان زوجته المغدورة إيمان جرّوس المربية الفاضلة بعد إستهدافها بالرصاص في مدينة حمص:
غفّي الحبيبه
و قلها تدفّي
بحضني
وبعد ما عيونها تغفّي
سآل الزمان:
بيقدر الإنسان
من دون روحو هالدني يكفّي؟
الميزان
كيف منحسبو ميزان
وماضل كفّه.. قبالها كفّه
ونهر العمر
والحب
والتحنان
يللي مشي عاضفّتين
رْفاق
كيف رح يمشي بفرد ضفّه.
**
مش شعر
هيدي دمعة مْحبّين
ع بلاد
فيها انغزّت السّكّين
يا بْلادنا
نطرنا تَ نتهنّى
و نقعد سوى
بفيّات ل بْساتين
تعبنا
وزرْع الأرض ما جنّى
وتخمين
يا أحبابنا تخمين
لازم الياس يهاجر
وحنّا
يودّع سوريّا.. حلوة الحلوين
نحنا المسيحيين ماعنّا
لا مجاكره
و لا تفرقه بالدين
بقلوبنا
صوت الجرس غنّى
غناني الشتي
لَ وْرود البلاكين
عشنا سوى
وكنّا منتمنّى
نضل لون بعلبة التلوين
بس الزمن
ع كرومنا تجنّى
وهرهر وراق كرومنا تشرين
وبكرا بيفضى هالشرق منّا
ومنصير ذكرى
والشرق بيقول:
كان في عنا مسيحيين.
