طل الصبح
2026.02.24
أسعد السبعلي
(...كنت إكره ظلم المعلّم، بس ما كنت إكره العلم..)
شي كبار عا بنوكة خشب، شي زغار..
ويوم التنين المذنبين كتار..
شي راكعين شي واقفين عالحَيط
وعم تقدح عيون المعلّم.. نار!
وهوني صبي من المدرسه هربان
كاعرينو ولاد، عقلو طار..
ومن قاطع لقاطع بهالوديان
يشقّع، ويرمي الكاعرينو حجار...
وتاني نهار عالمدرسي جايي
موصلُو جدّو هاك الختيار
ما كان لو دخلي عالقرايي
انحلّت بديك وكم زرّ خيار...