يا ورد اسألو
2026.01.16
محمد قرفول
ياما كتبتلو
ولا حرف ردّو
ياما قطفتلو
العسل من شهدو
وياما زرعتلو بوسات
عا خدو
ياا ورد قلو: زعلان!
شو بدو..؟!
بدو اكتبلو هالعمر رعبون
بدو القمر يمرق بدون عيون
بدو يقولولو أنا مجنون
اي، مجنون فيه، وﻻ تخبولو
جنونو ع دربك يا حلو
دلو
كرمال الله هيك قولولو
بدو الربيع يضل
طول العمر
وحوش الو مواعيد
غمر بغمر
بدو عيوني ازرعن
بالجمر
واسهر عليه الليل
بطولو
بدو نجوم السما
حوشهن الو
وحطن كوام، كوام،
ب حرجو
بحياة الله روح يا ورد اسألو
بدو الحلا والعطر ب مرجو
يما حنيني ال بحر
عبيه بدلو
بدو، شو بدو..؟!
روووح يا ورد، اسألو..!