بالحرف ينبض فؤادي
2025.10.30
محمد قرفول
عند ما بالحرف ينبض فؤادي
البلاغة بتشتهي تطلب ودادي
وكل العطر يللي ساح دمو
بقلم فكري سكب حالو مدادي
وفاح وصارت النسمة تلمّو
كأنو طفل بعدو عم يدادي
ومتل ام الطفل صارت تضمو
زنودا مخدتو والصدر بادي
يدفا بحضنها منزاح همو
بوسة عاشقة تطبع ع تمو
تطوف بيادرو غلة وسعادة
ويصير بأيد أطرى من النسمة
يرسم عا شفافا شبه بسمة
أول ما حكي يلهج باسمي
بحروف مكسرة من تم نادي
بحضن امو الطفل بيزول غمو
شفافو بتشرب ووردة تشمو
وبعد ما ينفطم عن صدر امو
ع صدر ال عاشقو يلاقي وسادة
غلال بيادر الحب الوفيرة/ي
غزيرة متل افكاري الغزيرة
الرضيع ال بعد ما بيحكي نصيري
وامير الشعر واحد من عبادي
وإلي انصار شبان وصبايا
ورود مفتحة قبال المرايا
سرايا رايحة وجايي سرايا
على دروب الوفا شبكو الايادي
وانا من نهدتي بسكب الغمرة
شقرا غازلا وتغار سمرة
وحتى ضل للعشاق خمرة
على دروب المحبة شعلت جمرة
وكل نهار بتوهج زيادة..!