شاعر غزل
2025.08.23
محمد قرفول
أنا (وشعار) من (أرفع سوية/ي)
اختلفنا ومين عارف شو القضية
عتب عا غلط أشرنا بمحبة
وكر دبور فار من الخلية
طبعي ما عرف يوم المسبة
ولا قلبي الوفي حب الأذية
انا شاعر غزل مليان قلبي
محبة وورد لعيون الصبية
بروحي الحب هبة بعد هبة
متل نسمات صيفية نديي
لكن لو حدا ينوي ع حربي
بدمي بتدفق النخوة بحمية
ومن الشعار من هالنوع عبي
شنتة وصير وزع عالهوية
فرخ السمك بيسموه حبة
اشتري حبة وإلك شاعر هدية
اللي طالب اعتذر منو ولبي
انصحوه يخفف طموحو شوية
لأنو كتير م يوسّع القبة
ع رقبة ما بتتحمل خطيي
الفرزدق مع جرير وحق ربي
سوا ما لحقو بشعرن عليي
ما بدي ارجع من جديد ربي
طفال ال بالشعر طلعو بدربي
ولا بدي بذار حط بارض جدبة
الفطاحل بس ربيو عا يديي..!