خلص الربيع
2024.10.17
محمد قرفول
وعدتني
وخلفت بِ.وعدك
كتير صعبة عيشتي
بعدك
لا عين عم تعرف نعس
وتنام
ولا صورتك
بتفارق الأحلام
ن.جربت أنسى
الشوق بيردّك
كان الوعد شوفك
ونحكي شوي
وتسقي ضحكتك ورد قلبي
مي
وقلك حبيبي
ضل أنت ال.في
لا تيبس الوردات
بِ صدك
شوف البنفسج يا حبيبي
والخزام
دبلت عروقن
عا بعض عم يوقعو
والورق أصفر
داب من كتر الهيام
يشهق بأسمك
ما حدا عم يسمعو
يبست شفافو
ما بقى يفسّر كلام
خلص الربيع
ومين فيه يرجعو ؟!
من بعد ما فطم ورد خدك
ومر سرقة العمر من حدك
بخزّق وراقي
وفوقن بكسّر قلام
وبقول ع.الدنيا يا محبوبي
السلام...!