صبح غيران
2023.01.03
محمد قرفول- فينكس:
عليي يا صبح فَتّحتْ عينك
حروفي نور، انت ملونينك
احْمرّتْ عينك وغيران مني
حتى تغار، دخلك، انت مينك؟!
انا فجر الحرف لو بان سني
بدك تنبهر الله يعينك!
أنا سحر اللحن لما بغني
بناي القصب رح تسمع أنينك
انا مجد القوافي خود عني
قوافي مدهبة للناطرينك
انا روح القصيدة والمغني
نشيدي عطر ندّى عا جبينك
انا فلاح فايق عم يجنّي
مواسم ما بتعطيها سنينك
و شمس، لما بتشرق شمس فني
شمالك يسرق الألوان حنة
و ع خد الورد يتطاول يمينك
انا يا صبح بستان الاغاني
خود حروف غني عن لساني
وحتى تصير تتقبل تهاني
بمعجن لهفتي خَمّر عجينك
حتى يعرفوا يا صبح مينك!