ماصحيتْ بعد من الحلم
2022.12.01
علم عبد اللطيف- فينكس
ماصحيتْ بعد من الحلم.
وعاد يكذّب عليي
شو حلو كذب الحلم
ياريت يعرف إني مْصَدّقو
كذب الحلم غيّة.
لو مرّة وحيدة ياحلو
لما تجي وتروح
وتشوف هاك الروح
كيف بتتبعك..
بتروح وتسافر معك
ما بودّعا..وبقول
يمكن تجي.. متل الشرر
أو متل طلعات القمر
بتجي.. بعشرات الصور
طق قلبي من القهر....
كتير... كتير ع قلبي السفر
لا تفكرو شويّة.
وبتقول.. ياما ترك
عندك كلامي.. وحذّرك
ياحلم صدّق بعرفك
إصحا بقا تا خبّرك
مو أنا المغشوش فيك
وحدك... المغشوش فيي.