ياقلب
2022.11.24
علم عبد اللطيف- فينكس
ياقلب..
الرياح ب مساك
هْبوب
وبتروح ع اللي مضى..
ت تدوب
مكتوب
لو شفت المواني معتّمة
توقَّا العتم..
ولما بتوصل
ودّع المينا
قبل الغروب.
ياقلب.. يامصلوب
قلا للشواطي..
ضلك ندية ولاتنشفي
ولريح الليل
شوي اهدي ولا تعصفي
لا تذكر يوم انّو هالأرق
طعم الغفا منّك سرق
تصالح معو
الضو قرّب ينطفي.
ياقلب لو كانت ضلوعك
شايلة..
قبل السفر.. هاك القمر
ت تقول.. من عندي عبر
ومَرّ من تحت الرموش
وياريت لو ماعْرِفِتْ..
كان القمر..
صورة مبللة ع الشط
والموجات عنّو
مايلة
هالريح من شرق وغرب
ويمكن شمال جنوب.