حرير الروح
2022.11.04
هاني حسن- فينكس
يمكن حرير الروح
من ديس الدني تشقق
برد وهوا
عم يصفر بقلبي
وحلم لليوم ماتحقق
ع حروف روح تمزقت
أرض وفضا
دوم الحقيقة عارية
للنظر لو دقق
******
وهم يسكنون حروف القصيد
ويبقى السبيل إليهم بعيد
فمثل الذي تقتفيه القوافي
كذاك الفؤاد الوحيد العنيد
كمثل العروش بعين العبيد
******
يا هالكتف العم توجعني
مرفوضة جملة أعذارك
متلك متل القلب الحافي
وعم يركض ليسقي دارك
ياريتك يابحر تقلو
بحكم العشرة الي جمعتنا
بحكم الجيرة ساعد جارك
مرق موجاتك ع سنيني
مللح جسمي برحمة نارك
وحسبلي باقي أنفاسي
وخبيني جواتك زرارك