ريق العناب
2022.11.03
فينكس- محمد قرفول
يا نسمة عني زوري خد الاحباب
وجيبي من عطر الجوري للولف كتاب
النسمة ن مرت من حدي بتسرق تذكار
تقلك بدي وما بدي زورك شي نهار
كلما بكتبلك ردة يصيرو الازهار
يرشو عطرن ل مندي عَ خشاب الباب
صعبة ننسى ل منحبو لو طال البعد
فرشنا اللهفة عا دربو كل نهدة وعد
المؤمن صلى لَ ربو ت يدوق الشهد
ويشرب من خابة عبو ريق العناب
يا فرحة عمري فيكي لما المنتور
يتغنج بروابيكي ويرش عطور
كلما ع مراية جيتي يصير البلور
يتنهد كلما حكيتي ومن نهدة داب