خيبة ظن
2022.10.27
فينكس- محمد قرفول
ماكان ظني تخيب ظنوني
وتضل مدة معي ما تحكي
تغيب عني ويسهرو جفوني
و دمعة ع خدي وحدها تبكي
لا أيد تمسح دمعة عيوني
و لا تم يسأل ليش عم أبكي
و ابقى ع باب البيت مستني
كلمة حبيبي ترجّع الضحكة
يا ولف شو اللي زعلك مني
كنا سوا وكان العمر جنة
الشوق عني خبرك إني
مخبا ضحكتك بالقلب مونة
و بنطر رجوعك دهر ما بشكي
نعسو دراجي وشحّط القنديل
خلصو دموع الزيت
تركت البرادي مفتحة من ميل
حتى ع غفلة ن جيت
شوفك اذا طليت
وكلما شهق قنديلنا شهقة
بيدوب قلبي بيخنق الدقة
وفكّر انت مريت
يا ريت ترجع يا حلو يا ريت
وما تغيب عن عيني ولا تكة..!