نصر رجالك (زجل موشّح)
2022.10.25
شمس الدين سعيد- فينكس
نصر رجالك يابلادي مسطر بكتاب
بريحة عطر الشهاده ترابك بيفوح
وحبك بالقلب زياده من دون حساب
طل الصبح ونسماتو ع بلادي طل
بعيد النصر ونغماتو الأفراح تهل
شعبي رجعت بسماتو وفرحنا الكل
زال الليل وعتماتو وفلو الدياب
رجعو رجعو الخياله ع ضهور الخيل
وأنوار الصبح تلالي وتتحدى الليل
بريحة بن مهياله والدله وهيل
لاقينا الجيش الغالي من بعد غياب
طلو الخياله طلو واصطفو صفوف
رايات النصر يعلو وتلمع السيوف
فاتو بالقلب وحلو وسكنوه ضيوف
متل النحلات وغلو بين الأعشاب
بعيد النصر منتغنى بحامي الحدود
هالجيش الفينا و منا ونفرشلو ورود
بحضن بلادي منتهنى وبالحب نجود
بسوريا وين ماكنا أهل وأحباب