حرب تشرين (ردة زجل)
2022.10.12
شمس الدين سعيد- فينكس
سوريه الصامده القلعه المنيعه
بصمود رجالنا اندحرو الاعادي
بحرب تشرين ع الجبهه الوسيعه
بصمود رجالنا اندحرو الاعادي
بني صه يون هالطغمه الوضيعه
سوريه الصامده شعب وقياده
بفن الحرب والحكمه ضليعه
رجال تسابقو ينالو الشهاده
بمعارك خاطفه وهجمه سريعه
حب الوطن جزء من العباده
كنز موجود بالقلب ووديعه
البساله وتضحيه بالدم عاده
وبيارق هالنصر لوحه بديعه
بحرب تشرين رجعنا السياده
بعد غيبات للنصر وقطيعه
اسود الشام خطو بالأيادي
لبنت الغرب هالذئبه الرضيعه
رساله واضحه والشرح بادي
اذا بعدوانها بتخلق ذريعه
نار الحرب رح تشعل زياده
واذا بتعيد هالغلطه الشنيعه
ماعاد يفيدها القصف الأحادي
ومعاد تفيدها القبه المنيعه