الأديب السوري مفيد أحمد يحصد المركز الأول في جائزة «وولت ويتمان» الدولية بقصة تجسد جراح الإنسان بعد الحرب
2026.06.18
2022.09.26
محمد قرفول- فينكس:
دفيتك بقلبي وقت كنتي
زغيري ومسؤليتا عليي
كنتي بعمر الورد يا بنتي
وعطرك تلمّو رموش عينيي
تنامي ع ايدي وكل ما نمتي
حس السعادة بين ايديي
شو صمت شو صليت تا صرتي
بستان ورد ودمعتي الميي
صرتي يا روحي عند م كبرتي
تملّي زوايا البيت حنيي
انتي يا روحي من السما هديتي
ويا علي بحياة سيدنا علي
اصحا تفرّط بِ هالهديي
خدت القلب مع كل نبضاتو
خدت الربيع وكل ورداتو
خدت الفرح خلقان بِذاتو
مع كل شهقة تقول يا بيي
خدت القمر بطّل علينا يهل
خدت الشمس كانت دفا للكل
خدت العطر بكيت زرار الفل
وتركت حسرة عايشي فيي
الله يباركلك هالهديي
انتي ي روح الروح وردتنا
اسكبلك حنيني كل صبح عالريق
بلهفة ووفا شربتي محبتنا
وكان الصبح عا فيقتك بيفيق
سرق القلق منّا مخدتنا
مش رح منغفا متل عادتنا
تا تمرقي بالحلم ليليي
تقولي اشتقت كتير يا بيي
