سجلت إسمي
2022.09.19
هاني حسن
أنا سجلت إسمي
بغير خانة
لإنو الشعر عمرو
ما احتواني
ولا عندي وطن
ولا عندي بديل
ووطن تاني
ولامحتاج كلمة
مدح حتى
ماعندي رد
لو غيري هجاني
ولا ناطر من
سنيني عدالة
ولا موعود ينصفني
زماني
ولا متأمل
اللمسة الحنونة
ولا ناوي بقى
وزع حناني
أنا تمرجحت
ع حبال القصيدة
وحرف القافية
بإيدو رماني
وع أرض الواقع
تكسر طموحي
هجرني البوح
مكسور الأماني
وصرت عم لمس
الخيبة كأنو
صديق العمر
من عمرو لغاني
وبعدني بحفلة الأيام
واقف
كأنو ع الحفل
ماحد.. دعاني