محمد قرفول-فينكس:

يا راجعة

من بعد ما غبتي

داب الهوى بعيونك

ودبتي

ما تاب قلبي

والنبض مسموع

ومتلو يا روح الروح

ما تبتي

كنت عارف هالصبح

ع طلوع

وما فيه غير وشك

بيكسر جوع

من بعد ما كان الورد

موجوع

ومن بعد م شغاف القلب 

صبتي

ونزلت عا مسكب زهر مشوار

حوّش إلك كم زر

واهديكي

والعطر كان مفطّم

ومحتار

من كتر شوقو

عا عراويكي

ولما عرف إنو إلك

هالغمر

وانك رجعتي

يا ربيع العمر

دشّر كمامو

وعربش عليكي..!!