ترنيمة صلا
2022.03.14
محمد قرفول:
ياخالقة
من بعد ترنيمة
صلا
سبحان الله
شو عمل
تا أبدعك..؟!
من سنين
كان يقول هالمعجن
إلا
وناطر تتطلع عجنتو
ويجمعك
ساعة يشوف من الزهر
حوض انتلا
يرجع يضيف ال مازهر
ويشبعك
يمكن بقي دهرين
عاكف ع الصلا
ودهرين وحدو بالعطر
غارق معك
مرة يجيب من الورد
كمشة حلا
ومرة يخاف الورد
انو يوجعك
يرجع ملبك
والسحر كلو انجلا
ويضل مدة
ياخدك ويرجعك
يجرب يفصل هالسحر
من هالحلا
وناسي يا روحي
تنينهن خلقو معك..!