عيد الحب
2022.02.14
محمد قرفول- فينكس:
يا عيد الحب المسكين
كل الدنيا باعيتك
هرّت عنو وراق التين
وهدّو ع.الوردة بيتك
كان المحبوب العشقان
بيكفي كلمة منو
صرتي يا كذبة نيسان
فيكي العالم يتغنوا
ما في صدق ولا تحنان
تخمين العالم جنوا
طفلة ما عندا فستان
وحق الدبدوب ملايين!
يا غبنك يا عيد الحب
بيتاجر فيك الشبعان
ما في واحد عندو قلب
يرق شويي عالجوعان
الحب بيفتح فينا درب
الانسان يحس بانسان
صرنا عم نمشي بالورب
متل الناس السكرانين
خلونا نرجع ونصير
نحب ومن دون هدية/ي
ال.بيحبو من قلب كبير
حبن هوّي العيديي
صار أعوج فينا التفكير
من البلدان الغربية
كان القلب يهز سرير
عنّا نحنا الشرقيين..!