من الشاعر محمد قرفول إلى موقع فينكس (قصيدة)

بمناسبة بدء موقع فينكس نشر أشعار محكية للشاعر السوري محمد قرفول, خصّ الشاعر موقع فينكس بهذه القصيدة:

يا موقع همك بسحر القوافي
فتحت للكلمة الحلوة مضافة
هي أول زيارة عا ربوعك
يا موقعنا الحلو عليك العوافي
شذا (فينكس) طالع مع طلوعك
عطر فتان عا كل الفيافي
انشالله بتغمر الدنيا بسطوعك
يا حامل للشعر روحو بلطافة
وتبقى منورة العالم شموعك
وتبقى للفكر رمز الحصافة
انت بالحرف والكلمة ولوعك
يا تمتمة الصلا برجفة شفافي
إلا ع الحلا ما انكسر جوعك
شرابك شهد من تفكير صافي
بمحراب الحرف هيبة خشوعك
لغير الرب ما بتعلن خضوعك
يا عاطينا الدفا بحضنك الدافي
***
وقت فينكس لربوعو دعاني
وصرت نغمة بنغماتو المصانة
ما ترددت إني قول يالله
انشالله كون عا قد الأمانة
مساكب طايفة بالزهر كلا
وانا صافي العطر عاشق جناني
ولسحر الحرف ما بيقول كلا
إلا اللي بعقلو فقد خانة
ولا عمرا ال نعم بتصير ك اللا
نعم للحب بكل المعاني
وإذا مؤمن سجد للرب، صلى
وطلب من خالقو رعاية وإعانة
ويديه وهامتو للسما علا
والله جاب دعواتو وتجلى
انشالله هالمصيبة تحل حلا
تخلص من وطنا هالخيانة