الهوا الشرقي مع المشتى حكاية ........... قديمة كتير ما إلها نهاية
ألو بتشرين موعد ما تغير ........... مرافق هالخليقة من البداية 
بيصوفر بالليالي تقول عسكر........... هجومي بمية قطعة ومية راية 
إذا سمعتوه عند الصبح زمجر...........عرفوا أنو الغضب عالكون جايي
******************                      
بيجمّع زمهريرو موت أحمر........... وبيهاجم هالبشر من دون غاية
صقيعو يدور عالدنيا مبكّر ........... لا لبس الصوف يحمي ولا العباية 
بيجي عاصوبيات الناس يسكر ........... الشرب مازوت والمازا حماية 
ما خلا بجيبتن متليك أحمر ........... متل جابي عمينفذ جباية
وما في سلطات عاصدّو بتقدر........... ولفي قاضي تقدملو شكاية