كسرتي الجرة (قرادي)
2024.01.28
محمد قرفول- فينكس
حبك تحفة كان، وصار
من الماضي يا عصفورة
يا ما كتبتلك أشعار
ونْطرت تجيني صورة
كنت برجّعلك نوار
وبعمل منك اسطورة
طيرتي كل الأفكار
وضاعت من إيدك درة
كان الحب عليكي حْرامْ
يدفيكي بأيام البرد
يغنيكي أجمل أنغام
يغفّيكي ويفيق الورد
شو اللي غيّرْ ت الأحلام
الـ كانت منك تنطر وعد
صارت يا حلوة أوهام
ما بتتحقق بالمرة
كل مين منّا راح بدرب
ودروبك كلّا صعبة
ما فيكي تكوني بالحب
متل الـ عم يلعب لعبة
الحب الصافي بدّو قلب
ما بيخفق غير محبة
ويصير الاحساس يغب
ما يلعب نقشة وطرة..!