حبيت اكتب
2022.04.29
هاني حسن- فينكس:
حبيت إكتب
وسحبت ورقة وقلم
وعزمت القوافي
حسيت الحروف اشتكوا
بلهجة صنم
مافي حكي شافي
ساعات بتمر الدني
متل الندم
خيبة بوجه صافي
وساعات بتكون المحبة
بلا نغم
والحب مو دافي
وساعات بتصير الصور
متل الغنم
والديب شاعر
والمرج غافي
******
اليوم الصبح
محتار شو إهدي الحبيبة
شفت بياع الورد
لون الورد ممزوج
مع لون الضريبة
والعطر محبوس بقناني
وكأنو ماخلق ليفوح
والنسمة كئيبة
اليوم محتار الصبح
عنحد سمعها غزل
ولا بغير قصتي
وبقول مانك من نصيبي
ياحبيبة
صار اسمك بالقلب
لكن ع جدول دنيتي
رح ينكتب اسمك
غريبة
مو عجيبة تعيش هالدنيا
وحياتك تكتشف كانت هريبة
كلها كانت هريبة