سكرة
2024.04.27
محمد قرفول- فينكس
لا تواخذونا يا حبايبنا
جاعو المنابر عند ما غبنا
وخسرو القوافي لمعة الفكرة
من الشوق دابو متل ما دبنا
عيون القصيدة دموعها عكرة
شابو سوالفها وقت شبنا
وصارو حروفا يشعرو بالبرد
سقيتن دفا روحي وقالو بعد
من خمرة الالهام شرّبنا
اشتاقت حروف الشعر عا سكرة
وسكبت نهداتي بأول كاس
و الكاس متلي داب بالاحساس
ومنّو يا روحي تنينّا شْربنا
وتالعطر يسرق من مساكبنا
صار الورد ينطر يجي بكرا
ال بكرا زعل، بطّل علينا يطل
والقمر بطّل في سمانا يهل
وما عاد ضوا ع الدني جكرا
قلّي بحبر الموهبة اكتبنا
حروف بقصيدة عاشقة اسكبنا
وتيفيق عطرك شو تعذبنا
انتي يا روحي جوهر الفكرة..!