صرخة وجع
2022.08.26
محمد قرفول- فينكس:
يا رب ألطف بالعباد المنهكين
ما ضل عندن نَفَسْ ت يضلّوا
صارو يا ربي عا وجوهن هايمين
ما في وطن يحميهن بظلو
عاشوا على ترابو بوفا كل السنين
و لا يوم واحد فكروا يفلو
سقيوه دم انسكب نهر من الحنين
كرامة بساتينو وزهر فلو
شربوا الخيبة والمرارة والأنين
و الأمل مل وضاع ياا دلو
ما ضل ببيوت البشر قطعة عجين
بكرا ن اجاني ضيف شو بقلو؟!
بقلو تعا وجبلي معك كمشة طحين
يمّا بقدملو صحن كلّو
نهدات حرى ودمع وجروح وعنين
وفقر ومذلة طبق عا حلّو!
يا رب نحنا منلتجي لْغيرك لْمين
ما زال عفوك ما منوصلّو؟!
ألْطفْ يا ربي بالعباد الجايعين
تا يشبعوا اللقمة إلك صلّوا
يا رب نحنا بِ قدرنا راضيين
و برحمتك وبعطف منجلو
الأسعار تقلبنا على شمال ويمين
عا منقل معبا جمر كلّو
والراتب توفى بعمر يومين
وباقي الشهر منموت بِ غلّو
من وين منجيب الصبر من وين
والصبر ضاع وضيّع مْحلو!
ما في حطب بالبرد ت ندفي الجنين
و لا كهربا ومازوت ما خلّو
و البرد جايي مكشّر بوش الحزين
و ما ضل عنا أمل يا ربي
إلا القبر والكل واصلّو..!