يمكن سهي
2022.04.26
علم عبد اللطيف:
يمكن سهي..
قبل الصبح غفوة
بجفون مفتوحة
يمكن ع بالا صحوة السهران
والنوم غزلاني.
رفيقو كان بالليل السهر
قال السهر بيجيب القمر
وجفون بيناتن جسر
مشتاق كل رْفِيق
للتاني.
قسم من حلمو هرب
يمكن بقي القسم الشقي
ويمكن زعل من الجفن النقي
قال الجفن..
بلكي ب غيبتي
أو بالأصل ما جاني.
ناطر حين يطلعلو قمر
بلكي فيه من حلمو أثر
قال الجفن إنو مِنكِسر
بتعرف ليش؟
ياعيني.. العين غفلاني