كــــــلــــمة و رؤيــــــــا

"الطير الحر".. قرادي

محمد قرفول

هالفكر الـ فيكي مشغول

ما بيرتاح من الأوهام

والقلب بيخفق عا طول

لا بيكن ولا بينام

قربك مر وبعدك مر

عنك ما بيتخبى سر

جريتيني بحرف الجر

وكسرتي كل الأحلام

ولما نصبتي شراك الحب

تِهْنا وضيعنا عـ الدرب

يا حلوة ما عندك قلب

تتزيدي علينا الآلام؟

ولما رفعتي علينا الطرف

وتغير يا حلوة الظرف

صار يطوف علينا الحرف

وحِلْيّتْ بالشعر الأنغام

وصرنا وردات الخدين

نسقيهن من دمع العين

كل الناس تنين تنين

ووحدي بـ حقل الالغام

عيونك متل الطير الحر

كلما ترف قلوب تضر

تتخفف عـ الناس الشر

خلي عيونك لحظة تنام