يا إمّ سلوى محّبتك ما بتنّسى

قسيتي عا قلب الما تعوّد ع القَسا..

شو بخبّرك؟ وجّعت عالفرقه الحجر

ضاج منّي الليل، ضجّرت البشر..

شو بخبّرك؟ عا غيبتك جنحي انكسَر

وشغلتي أُغمر الصّوره وبوّسا!

عليكي غصون الزنزلختي دمّعو

لَو شافها.. ما عاد يعرفها وديع..

البيت لولاها يا حنّه بضيّعو

وجار ضيعتنا القمر نسهر معو

وطلّ الصباح لعيون حنّه سمّعو

ويغار من هالضحكة الحلوه الربيع... (...)

وهالمحدله الكنتي عليها تقعدي

وكانو بحضنك يقعدو ولاد الزغار

ما صدّقو عنهن يا حنّه بتبعدي

وعم يسألو عالكانت عليهن تغار.. (...)"

....

أسعد السبعلي، من ديوان حنّه.. *إشارة إلى المطرب الكبير وديع الصافي