ورد غدّار
2022.08.04
محمد قرفول- فينكس:
يا وردها بطلت منك غار
تغاوى على كيفك
أول خلقتك كنت بعد زرار
ورمشها سيفك
ياما وياما بموسم الأشعار
سقيتك ندي
ومنك قطفت غمار
وفصّلتك ل خصر الحلو زنار
وجّعت خصر الحلو ياا حيفك!
يا ورد عطرك مشتهي يعيفك
وشين حامل يا ورد غدار
اكليل مرة مع غصون الغار
تبكي عليي لو زماني جار
و مرات باقات بتجي ع الدار
تضحك علينا ت انكشف زيفك
لما خيالي عا خيالك يرتمي
ويفوح عطر الشوق
تخمين قلبك عن ندى عطوري عمي
وما كان شمّة يدوق
وصرت تسرقني متل عطار
توزع قناني العطر عا كيفك ياا ورد
عطرك مشتهي يعيفك!