للناس حلِّك تخرجي بْهالخير

يا خير أمة أخرجت للناس

***
بالأمس ضيّعتي قدس لا غير

واليوم كفّيتي على الأقداس

وكيف رح يقْدِر يجيكي الخير

يا خير أمّة أخرجت للناس

***
بالأمس طلّعتي ألف جسّاس

واليوم تابعْتي عَـ هالمقياس

وبْإذن الله خير .. كلّو خير

يا خير أمة أخرجت للناس

***

يا خير أمّة خارجة عالناس

تا تقدري تمْشِي بِـ رفعة راس

بالنّاس لا تحكي وَلا بالخير

حكْيك ما عاد يصدّقوه النّاس

***
يا خير أمّة أخرجت للنّاس

من كتر ما صرتي بلا إحساس

عم حسّ ,شي مُخْرِج جزاه الخير

كلْ يوم عم يعمل ضرب بالنّاس

***
يا خير أمّة أُخْرِجَت للناس

يا خير أمة اخرجت للناس

حلّو بقا يطلع صَبِاح الخير

ويْصير متلِك متل كلّ النّاس

(يا خير امة اخرجت للناس)