نسّم عبيرك يا هوا المحبوب
2026.07.17
أسعد السبعلي
من القصائد المرصودة في جوارير الشاعر وغير المنشورة، هذه القصيدة الحالمة والعابقة بأسرار الحبّ والوفاء ..
"نسّم عبيرك يا هوا المحبوب
وفرفح بحبّك قلب عم بيدوب
شمّيت ريحة عطر ضيعتنا
لمن وصل عا بيتنا المكتوب..
الورده عا فيّة خصرك بتلوي
ونور الأمل من خدّك بيضوي
وحياة رفّة عينك الحلوي
يوم الجفا من العمر مش محسوب..
سر البقلبي عارفو قلبك
أحلى الأماني للهوى قربك
مكتوب إلنا تحبني وحبّك
وما لنا مهرب من المكتوب..."