قلبي عليك
2025.01.14
محمد قرفول
قلبي عليك وخايف النسمة
تمرق ع.غفلة وتسرق البسمة
وكلما شفافك تمتمو للورد
من دون قصد يشردقك اسمي
كلما شفافك تمتمو للورد
بيفتّح وبيقول دخلك بعد
لهفي عليك ن. طال عمر البعد
ما تقشع الوردات مبتسمة
وخايف عليك الهجر مُرّو تدوق
ويصير قلبك ع. البُعد محروق
وخايف ع. توبي يا حلو من الشوق
يدوب متل الشمع عا جسمي
ويتسكرو بواب الفرح بالبيت
ويبقى حلم يا ريتك ويا ليت
شوفك بلا موعد انت طليت
صار الفرح عا طلتك مسمي
رسمتك قمر مشتاق للهلة/ي
رسمتك شمس ما بتشتهي ال.فَلّة
رسمتك ربيع مْعَنْوَن بفلة
فَلْشِتْ عبيرا لحاف ع. الرسمة/ي