دكان جدي
2024.11.29
جدي في عندو دكان
معبى من كل الأشكال
مشكل من كل الألوان
من شغلو ربى اجيال
عندو نفاضة سجاد
وللسطيحة عندو مقشة
سطولي من شغل الحداد
عبي هالميي و رشي
في عندو جزامي جداد
كوتشوك و عندو مرشة
للزريعة وعندو سماد
عندو المعول والمنكوش
بساط و حصيرة وسلال
عندوكراسي بحبل الليف
مربوطة و الها سندي
عندو مماسح للتنظيف
ناعم يا تفتا الهندي
بيقلا في عندي سيف
شو ما بدك في عندي
عندي للسقف معاسيف
طبلية لفرم اللحمة
منخل شوبك والغربال
عندو مسلات وخيطان
في عندو قناديل الكاز
مجامع نايلو للألبان
قيشاني بلاستك وقزاز
كياس من الخيش وكتان
جنفيص ونوعو ممتاز
ببيع حجار الخفان
متر خياطة و مقصات
قماش مقصب للشروال
عندو حنطة تبن شعير
كياس نشارة نقد دجاج
معرم والمخزون كبير
بتلاقي شو ما تحتاج
زبوناتو بتحبو كتير
احسن واحد بو عجاج
بياخد من عندو قناطير
عندو كميه من الطرش
مكاري وبيكاري عا بغال
بجمع بعض الذكريات
من دفاتر عتيقة
بترجمها ببعض الكلمات
بلبّسها معاني رقيقة
منذكرها بكل الأوقات
منقراها بكم دقيقة
بتلخّص دورة حياة
عاشوها عا مر سنين
بعدا موجودة بالبال
منقول عن صفحة
حسان عفيف فياض