خايف حبك
2024.11.04
محمد قرفول- فينكس
خايف حدك لولا بقيت
اغرق يا غالي بحبك
كيف ما رحت وكيف ما جيت
بلاقي حالي عا دربك
اتركني ودّع كار الحب
ل عذبني ول مرمرني
لا تفتح عا قلبي درب
وتبعد عني وتقهرني
لو حبيتك ما لي ذنب
وحدو القلب بيأمرني
معلق فيك بأمر الرب
وما بيحلف غير بربك
خليني عا صدرك زر
قرنفل ، بالعروة معلق
لا بآذيك ولا بتنضر
ولا بشكي ولا بتخلّق
بالعروة بْفَتّح بالسر
ولما الزنبق يتشلق
فك الزر وبين الدر
خبيني درة بعبك..!!