مدارج العمر
2024.04.05
محمد قرفول- فينكس
ايدِك بأيدي
عا مدارج هالعمر
نمشي سوا
والفرح عم يضحكلنا
ويزيد عمري
ويعصرو شفافك
خمر
ومع كل رشفة شوق
يسرقنا الهنا
ابعتلك النهدات
كل غمر بغمر
والحب،
من بين الورد
يندهلنا
بحبك، بحبك
ما بقا أخفي أمر
اصحك تقولي
هالمواسم مش لنا..!
انتي الروح
ال عاشقا
وقلبي جمر
وما زالني دايب
بعينيكي الخضر
وما دام حقل الزهر
عم يعطي عطر
رح ضل اجمع
من جنى شهدك
قطر
وضمك ع صدري
والورد يرقصلنا
وما نعود نعرف
مين انتي ومين انا..!