يااسوأ عام
2023.01.01
شمس الدين سعيد- فينكس:
قضينا العام الماضي من اسوا عام
من الله مانو محلل بالفقر نعيش
صرنا بالباص مخلل زحمه وتدفيش
بسياره فخمه مدلل ع مخدة ريش
كلب المسؤول تسلل يقعد قدام
من كتر المشي حفينا ومافي مازوت
بالشتويه يدفيتا وبرت البيوت
مين اللي داري فينا مافينا نفوت
نشوف المسؤول وفينا بالبرد ننام
ماعد تفيد الوصفه نعيش بتقتير
صار الراتب مابيكفي دفع فواتير
وقعنا وخلانا برجفه الفقر وتعتير
بيكفي علتنا نخفي بيكفي اوهام
كل يوم علينا جايي أسوأ من يوم
بالعالم صرنا حكايه ومن افقر قوم
مافي لمبه مضوايه وع العتم النوم
وين الحاله مودايه الوضع العام