الصبح جايي يْمِيس
2022.12.18
علم عبد اللطيف- فينكس:
اشتهاها الصبح جايي يْمِيس
قَدّا
دامي
إجت تِفْرُد جمالا
ومين قدّا
وبوجها لوّحت بالخدّ
شامة
نفَر سرب الحمام
وقام ودّا
بخفقة جنح مابيخاف
رامي
وعبّا العطر بخوابي
وسدّا
ت فوق الغيم يطرشلا
علامة
لوَ انّو القلب لاقاها
تْهدّا
ويجنّ الدم..
ت تقوم القيامة
ما عرفِت كيف اشواقا
تعدّا
وما قالت ليش
توق الروح نامي
ان كان الليل هدّد
او تحدّى
ومرق من حدّ همساتي
وكلامي
بيكفي افرد القصة
ومدّا
وخلي الأحرف توصّل
سلامي.