قلبي وروحي
2022.09.10
محمد قرفول- فينكس
قلبي وروحي وعيوني كلن حبوك
نسيت النوم ونسيوني ومش رح ينسوك
دخلك لا تزيد غيابك وتزيد الشوق
قلبي تركتو عا بابك دايب محروق
العطر ال غافي بتيابك شم ولا تدوق
ندرت سنيني ع حسابك ما بيكفوك؟!
ع دروب العشق مشينا وضيّعنا سنين
شو تعذبنا وشو لقينا من هالحلوين
صار الاحساس ال فينا بآخر تشرين
تغنج يا ورد علينا وع اللي زرعوك
يا ساكن روحي، عيوني زرعتا نواطير
صارو الناس يلوموني وزاد التعتير
كرامة يللي حبوني بخور بصير
كلما شويي حرقوني يصيرو يشموك