اعيدها..
2022.08.01
علم عبد اللطيف- فينكس:
مِتْل الّلي إجا من غياب
وِلْفــو
تَ عِرفو
كأنو حلم طرف تَوبُو
مزيّـــن
وبرفّةعين.. برمش العين
خطفـو
ورشُ الروح ع صدرو
ولـوّن
قدومو بلون كِلْماتو
وحرفـــو
نَطَرْ تاشاف وجهو
صبح أزْيـَـن
ولمّ العمر من طرفو
لَطرفــو
وفيه طيوف وخيالا
مبيّـــــــن
سحر مسفوح صعب كتير
وَصْفو
يمكن فيه كان العمر أهين
ويمكن فيه يتعثّر
بحتفو
ويمكن بال كان شوي
أرعن
ويمكن حِمِلْ مِنّو
مال كتفو
وتنين تنين ع عتابــــو
تْدَوزن
نشيد طيور حدّ الباب
زفّـــــــو
خبر عن طلّتو بكرا
ويمكــــن
دارو كتير من حولو
ولفّــــــو
ونَفْضُولو من رياشُن
قصيــــدة
بفصيح جناح.. غنّوها
ورفّــــــو.