بحر الغزل
2022.06.17
أحمد يوسف العامود- فينكس:
ليل المحبة انكوى والنجم... ياستار
ساطع بعشقو نوى يفتح الي... بوابو
تازور نورو انا والحب متل........ النار
وواسي حنينو بهوى من شدة..... مصابو
عنقود صدرا استوى متلوع........ ومحتار
اقطف لذيذو انا واشبع من.. شرابو
ياعشق انت الدوى وياليل شو.. ثرثار
هادا المكنت بليلتي احسب انا.... حسابو
طل الصبح مني ارتوى ومن سهرتي.... الجلنار
دبلت زهورو وغفي عانعومة...... ترابو
وجهك ياعمري ضوا مع سكرة.. الخمار
وصار الشمع يبكي دمع عاصفحة... كتابو
قلبي بلهيبو التوى منك عاباب...... الدار
لما عيونك هدف روحي الك............ جابو
قدك جمالك روى عقلي وصلى... التذكار
شوق وحنين وشغف لقيا........ لاحبابو
اللي شاف حسنك كوى عقلو... بأستفسار
ومضٌى حياتو احتوى من سحرك..... الافكار
آمن بعشقك وانعكس ظلك.على...... تيابو